Sunna Ben, alla leið til Amsterdam.

Hátt í tveimur árum seinna!

2010-02-23T09:17:00.000-08:00

Ójá, það er satt.
Ég vil kveikja aftur undir þjóðernisperrablogginu mínu til þess að fá útrás fyrir sögur með orðum sem ég kann ekki á ensku í.
"Jess!" < (íslenskt nýyrði, á sér líklegast rætur að rekja í áttunda áratuginn þegar sjónvarps efni frá Ameríku varð flutt inn í meira magni)

Mig langar svolítið til að skrifa hérna baráttuboð til dúfu sem býr á þakinu mínu.
Þannig eru mál með vexti að við erum með eitthvað ógeðis þak sem ég held að sé hugsað þannig að maður geti sólað sig á því en ég er nokkuð viss um að það sé asbestlagt og þar sem gólfið okkar brotnaði langar mig ekkert að vera að leika mér á þakinu þar sem væri líklega talsvert hærra fall heldur en innan úr eldhúsi.
Þessi æðislegi "sólpallur" okkar sem er vel varinn háum húsum (sólbað!? jess! - nei!) er semsagt vettvangur daglegs glæps.
Svo virðist vera sem að dúfur eigi sér aðsetur þar og á hverjum morgni um átta til svona níu eða tíu má heyra eymdar/-unaðs breim í þvi sem okkur grunar að sé dúfa sem verið er að sofa hjá- mjög líklega gegn hennar vilja.
Ég væri búin að fara og lýta á vettvang glæpsins en það er riðgaður slagbrandur fyrir hurðinni sem gengur að "sólþakpallsyndinu" sem mig langar ekki að snerta, aldrei. Svo eru hurðinn inni á hálfs fermetra baðherberginu okkar svo ef ég skyldi taka mig til og rannsaka þyrfti ég að endurraða öllu þar inni og vafalaust finna ýmislegt ógeðslegt í því ferli líka.
Svo ég hef ákveðið að leyfa þessar dúfu að vera í friði, hvort sem það er henni í besta hag ellegar ey.
Vonandi er þetta bara kammó morgunkynlíf sem hún er að lenda í, og ef ekki, þá ætti hún virkilega að finna sér nýjan stað til að verja tíma sínum.
Svo er auðvitað sá möguleiki að það sé ekki ein dúfa sem er verið að nauðga heldur einn dúfi(?)(hér á ég við karlkyns dúfu) sem nauðgar nýjum dúfum á hverjum degi, ef svo er lýst mér illa á blikuna og nú fyrst mér datt það í hug er ég að spá í að fara í fyrramálið og sparka í hann.

Ef þetta er ein sú sama kvendúfa sem öskrar af eymd en ekki nautn hér á hverjum morgni sendi ég henni baráttu kveðjur en bið hana vinsamlegast að flytja, ef það er nautn þá heimta ég að hún flytji og ef það er "Dúfi" er mér að mæta.

Hættulegur hættudagur.

2008-11-06T13:35:00.000-08:00

Dagurinn í dag hefur verið sneisafullur af áhættum.
Fyrst og fremst höfum við verið heita vatns lausar hér á Galastrætinu síðan að leigusalinn okkar fór til Tyrklands og við náum ekki í neinn til að redda málunum.
Undanfarna daga hef ég stolist í sturtu í ýmsum vinahúsum en í dag ákvað ég að reyna að gera eins og sambýliskonur mínar og fara í kalda sturtu, hita síðan vatn í ketlinum og þrýfa hárið. Sturtan var köld og ógeðsleg eins og við var að búast en þegar ég var að sjóða á mér hárið vildi svo lukkulega til að ég skvetti duglega á höfuðleður mitt án þess að íhuga hversu heitt vatnið var og meiddi mig óskaplega. Ég eyddi lengri tíma í að hlaupa við og við og sturta hausnum undir eldhúsvaskinn og kæla mig niður þar til að kuldinn á restinum af höfðinu á mér var orðinn óbærilegur.
Eftir að hafa náð mér eftir slösunina ógurlegu ákvað ég að fara í skólann þar sem ég vann eins og hestur og stóð mig vel, vatn sullaðist hér, matur datt þangað, þetta rakst í hitt, allt frekar kaótískt. Á leiðinni heim hrundi taskan min næstum aftan af hjólinu á hraðbraut þegar ég snéri snögglega við, rétt byrjuð að villast að gömlum vana. Þegar fyrir utan heima var komið tókst mér að hrynda hjólinu mínu með öllu þyngslinu aftan á og tók það lengri tíma að losa alla víra og viðhengi og læsa því örugglega.
Nú er ég aftur komin heim, andstyggilega sveitt eftir að hjóla í þykkum ullarjakka með heita tölvu í plastbakpoka á bakinu og næ ekki í neinn sem ég get sturtað mig hjá en veit fyrir víst að fyrr lykta ég allra manna verst en að sjóða mig aftur.

Skömmustuleg í uppbótarhug!

2008-11-03T16:21:00.000-08:00

Mikið skammast ég mín að hafa ekkert bloggað síðan ég fékk íbúðina.
Ég hefði einmitt átt að vera þeim mun duglegri því meira pláss sem ég fékk til að breiða úr mér en það hefur svo óskaplega margt á daga mína liðið.

1. Rómarferðin ógurlega:
Fínasta ferð, ég varð fyrir hálfgerðum vonbrigðum fyrir hvað var lítið af orgíum, meira að segja ein hefði nægt mér. Ekkert gómsætt slúður nema að ég komst að furðulegu nær-sifjaspjalls sambandi sem bekkjasystir mín átti, en hverju má annars við búast af trúnósegli eins og mér.

2. Námið:
Ætti kanski að vera í fyrsta sæti en mér fannst líklegara að fólk myndi halda áfram að lesa ef það rækist á orðin orgía og sifjaspell nógu snemma í færslunni.
Skólinn verður betri og betri því fleira af þessu eðal fólki sem ég kynnist, mér finnst mér eiginlega vera vel við vandræðalega marga.
Tímarnir hafa verið mis-gagnlegir en flestir hverjir að minsta kosti eitthvað skemmtilegir, skúlptúr er svoldið neðanlega í gleðiröðinni reyndar. Skúlptúrkennarinn minn er ungur furðufugl sem er ekki bara að þýða málshætti úr hollensku eins og mjúki litli teiknikennarinn minn sem hvíslar eins og lítil mús og fer í kerfi þegar það skapast klíður í bekknum, heldur þýðir hann úr svissnessku. ENGINN kann svissneska mælshætti og var þessvegna einkar erfitt að skilja eintalið okkar í dag, hann sagði meðal annars gullmolann "if you take your fabric and your creativity it can explode!" við bekkjasystur mína. Þýðir örugglega eitthvað mjög gáfulegt en það skein ekki allveg nógu vel í gegn.
Mér finnst allra skemmtilegast í teikningu hjá fyrrnefndri krúsídúllu, konu sem sótti um eitthvað allt annað starf eftir að hafa unnið á leikskóla en er núna búin að vera að kenna teikningu það lengi að hún er mjög góð í hlutverki sínu. Hún setur fyrir athyglisverð verkefni og mér líkar hún vel.

3. Amsterdam lifnaður:
Í Amsterdam er kalt, ekki kalt eins og á Íslandi heldur kalt eins og beininn í manni munu frjósa og klofna þá og þegar. Hér rignir líka óskaplega mikið en ég verð að segja að það er subbulega sjarmerandi að koma á leiðarenda, stökkva af hjólinu og líða eins og maður sé búinn að vera að synda í fötunum.
Herbergið mitt hér er ágætt, svoldið draugalegt hverfi en hér er borist furðulega en nokkuð áhrifaríkt gegn glæpum. Leigusalinn er búinn að koma mér í eitthverskonar dótturhlutverk og er mjög almennilegur við mig milli þess sem hann snýkir sígarettur af mér og setur ómögulegar gestareglur. Hér búa líka tvær aðrar stelpur, ein suðræn og sæt sem heitir Lawwwhhhraaahh og ein Pólsk sem heitir Marta. Mig grunar að Marta sé mjög sniðug og líkar mæta vel við hana, hin er mjög ný og ekki allveg jafn analt snyrtileg og sambýlisfólk sitt, en virðist fín.

Jæja, nú er ég búin að fresta því að hrynda draslinu af rúminu mínu og ganga til svefns nógu lengi, ég ætla að leggja mig svo ég sofni ekki í fræðitímanum mínum á morgun.

Ble á me,
afsakið ritgerðarsniðið,
ekki gefast upp á mér
ég get verið ógeðslega sniðug.

Kveðja,
Sunna.

Jan Van Galenstraat!

2008-09-08T01:45:00.000-07:00

Í gær flutti ég inn í herbergið mitt á Jan Van Galenstraat mér sjálfri til mikillar ángæju. Mér tókst að flytja allt dótið mitt yfir og koma öllu fyrir nokkuð hratt og er allveg vel stödd hér núna. Ég keypti fullt af mat áðan og er byrjuð að þvo þvott og líður afskaplega vel. Á eftir ætla ég líka í IKEA og kaupa mér smávægilega af þarfarþyngi.
Í gær rakst ég á margar pöddur þegar ég var að fara að sofa og truflaði það mig eilítið, verst fannst mér þó 10 cm köngulóin sem starði beint í augun á mér þegar ég var í tölvunni handan við fína borðið mitt. Ég reyndi nokkrum sinnum að fá sjálfa mig til að herja gegn henni, var búin að skipuleggja að setja íþróttaskó á stólfót og þrýsta í hana, en hún var með svo langa fætur, ég þorði ekki í hana! Ég hugsaði með mér að best væri að ryksuga öll þessi smádýr upp þegar ég rakst í asna könguló í öðrum fataskápnum mínum í morgun og saug þessa fjanda alla upp á no time. Þeir halda að þeir geti abbast upp á mig, en þeir bjuggust ekki við þessu!
Í dag er ég í fríi fyri hádegi og ætla meðal annars að fara í banka með leigusalanum mínum, og kærum vini, Mesut. Hann er mjög almennilegur og vill allt fyrir mig gera, það er rosalega kósí. Hann er líka með eindæmum þrifinn og ryksugaði til dæmis eldhúsið þrisvar í gær og kom svo og skúraði í kring um mig þar sem ég haugaðist.
Það eru líka búnir að vera verkamenn í húsinu á móti okkur í portinu að góna á mig, það er minna kósí. Ég áttaði mig ekki á að það væri neinn þarna og valsaði inn eftir sturtu á handklæðinu og þeir hættu allir snögglega að vinna og hófu að góla og stara á mig, ég reyndi að virkja gardínuna mína, en það hófst ekki og að loku klæddi ég mig í hnypri í horni herbergisins sem þeir sjá ekki. Síðan þá hafa þeir ýlfrað og blikkað nokkrum sinnum á mig og ég hef alltaf horft á þá súrum svip á móti. Ég veit ekki allveg hvað þeir halda að ég geri, hafi gluggastrippsýningu fyrir þá? Þeir standa sig nú ekki það vel í vinnunni að mér þyki þeir eiga svo gott skilið.

leiter,
Sun

Allskonar ævintýr.

2008-09-02T02:31:00.000-07:00

Núna eru ævintýrin loksins farin að skella á, eitt á eftir öðru.

Í fyrradag gisti ég á hosteli, annað kvöldið mitt þar, og fyrsta kvöldið í nýju herbergi.
Ég kom úr huggulegu matarboði á hostelið, mjög tilbúin að leggja mig og sofa lengi og vera úthvíld fyrir fyrsta alvöru skóladaginn.
Þegar á hostelið var komið hékk ég aðeins á netinu í húsnæðisleit og fór svo inn að sofa. Inni í herberginu var allt í hönk og ég velti fyrir mér hvað hefði eiginlega átt sér stað, föt út um allt, sígarettupakkar, glös og almennt drasl hvert sem auga var litið. Ein stúlkan í herberginu var að vinna á Hostelinu og seinna áttaði ég mig á því að allir í þessu herbergi, fyrir utan mig, voru starfsmenn. Téð stúlka hafði haft yfirráð á draslinu sem var á kojunni minni og færði það um setur, svo ég gæti sofið þar.
Mér fannst þetta allt heldur ósmekklegt en vissi ekki hvern ég gæti kvartað í fyrst starfsfólkið bjó þarna og gæti slefað í nefið á mér á meðan ég svæfi ef ég væri að angra þau. Ég ákvað þessvegna að fara bara að sofa og vona hið besta. Þegar ég var allveg að sofna kom maður inn, annar starfsmaður og settist á svalirnar í herberginu og bauð mér jónu, ég afþakkaði pent og kvást vera að fara í skólann daginn eftir.
Um morgunin vaknaði ég við það að hel ölvaður maður datt næstum á mig í rúminu eftir að hann datt á fætur en náði að koma sér út á svalir þar sem hann annaðhvort pissaði mjög fast eða ældi fram af, áður en hann svo hrundi niður og drapst, mögulega í polli af eigin vessa, ég er óviss, á svölunum.
Þetta þótti mér ágætis vakning og gat ekki ímyndað mér að fara aftur að sofa eftir svona ógeðslega vakningu, enda þurfti ég hvort eð er að fara að hafa mig til fyrir skólan ekki all löngu eftir á.
Á meðan ég hafði mig til eftir sturtu, á ganginum til að verða ekki vitni meira ógeðs þann morguninn ramblaði annar maður út úr herberginu mínu, hann ráfaði inn í sturtu með miklum látum en hafði greinilega ætlað á klósetið og ruddist þaðan út með látum.

Seinna þann sama dag byrjaði ég í skólanum. Það var nokkuð gott, fyrsti tími frekar langdregin hjá kennara sem leit ískyggilega mikið út eins og Tom Cruise, þá kanski helst því hann bar sig frekar svipað og vísindarkirkjutöffarinn hann Tommi. Kennarinn vildi efast um allt, voða voða voða mikið og æfingin sem hann var að setja okkur í var kanski ekki efni í fjóra klukkutíma, en það var allt í lagi.
Í seinni tímanum settist lítil kona niður í miðri stofunni og hóf að tala á hollensku, ég hugsaði með mér að þetta yrðu erfiðir tímar og ég myndi ekki vita hvað væri í gangi neitt bráðum ef svona héldi áfram. En svo kom í ljós að hún kendi á hollensku og áttum við þá saman mjög skemmtilegan teiknitíma þar sem ég teiknaði fyrstu myndina í lengri tíma sem ég hef verið virkilega ánægð með. Mjög gott.

Eftir skóla fannst mér klæja heldur mikið í moskítóbit sem ég var með á löngutöng, ég setti á það AFTERBITEX, fingurinn á mér þrútnaði svoldið en ég hélt það væri bara á meðan eitrið var að virka. Klukkutíma síðar var ég komin með þykkan fingur, svo þykkan að ég gat ekki hreyft hring sem var á fingrinum til, seinna ákvað ég að fara í apótek og fá bólgueyðandi sem endaði með því að afgreiðslustúlka klipti hringinn af og sagði mér æst að ég yrði að fara til læknis, nokkrum sinnum. Ég ákvað að taka hana á orðinu fyrst bólgan hjaðnaði ekkert eftir að ég losnaði við hringinn og við Þórdís héldum af stað upp á næsta spítala, hún að styðja mig því ég var mjög hysterísk og hafði áhyggjur af að missa fingurinn, as you do. Þegar á spítalann var komið biðum við ögn í biðstofu og svo var komið að mér, ég þurfti að bíða svoldið nokkrum sinnum en svo komust læknirinn og hjúkkan að því að fingurinn minn, sem var þarna á stærð við príðis böll, væri svona bólgin vegna ofnæmi gegn biteitrinu en þar sem ég gat enn andað þá væri þetta ekki svo alvarlegt, svo ég fékk töflur en þeir sögðu mér að drífa mig aftur til þeirra ef ég fengi útbrot útum allan líkama eða hætti að geta andað. Ég veit ekki hvernig ég ætti að koma mér í því ástandi en ég jánkaði því og þá var það ævintýri búið.

Jæja, nú ætlum við að fara á markað að kaupa skran til að gera skúlptúr fyrir tíma,
meiri fréttir seinna.

Kveðja, ein ævintýraglöð.

HEYR HEYR!

2008-08-27T11:19:00.000-07:00

Þeir vita hvað þeir syngja þessir vísindakirkjufolar, og þegar ég segi folar, meina ég það. Þetta er allt yfirburða fallegt fólk, lausnin? Ganga í trúna!

kv. Sunna

Uggvekjandi atburðarásir.

2008-08-26T04:03:00.000-07:00

Í gær flaug næstum flugvél inn um gluggan þar sem ég gisti á meðan stelpa sem býr hér var að skrifa eitthvað á tölvuna sína, og leit út beint framan í flugvél sem virtist stefna beint inn. Flugvélinni tókst að beygja framhjá og hringsólaði í svolitla stund og virtist vera að fljúga stefnulaust í hringi. Við ákváðum að flugvélinni hefði verið rænt af hryðjuverkamönnum sem væru að hræða flugtjórann, og þessvegna væri þetta svon skrýtið í gangi, svolítið langt frá flugvellinum. Seinna vorum við Sveinbi á eitthverju voða kósí hverfiskaffihúsi að fá okkur tortillur í morgunmat þegar félagi okkar í ævintýrum hringdi og sagði að fólk stæði uppi á þakinu á húsinu við hliðina og benti til himins þar sem herþotur svifu um. Studdi svolítið undir hijack hugmyndir okkar, svo við spurðum mennina á pubinum og þeir héldu að þetta snerti olympíuleikana eitthvað, því við erum nálægt olympiuleikavellinum. Við fenguð aldrei neina betri lýsingu á þessum málum.

Sem stendur vinn ég hörðum höndum á að berjast við kvef sem ég krækti mér í daginn áður en ég fór (takk mamma!) og finnst ég hafa eytt furðulega mikið af tíma í hollenskum apótekum miðað við að ég er buin að vera hér í innan við viku. Mér finnst samt vert að minnast á að í svona "krembúðum" (búðum sambærilegum Boots í Englandi, með allskonar kremum og lítið af lyfjum) í Hollandi er veggur við kassan sem er sneisafullur af risastórum titrurum. Veggurinn inniheldur líka smokka og því um líkt og stendur fyrir ofan hillurnar í stoltum stöfum "FAMILY PLANNING". Ég veit ekki, smokkar og titrarar standa svoldíð í stúf við að fjölga sér. En kanski er það bara ég og mín einfalda hugsun, ég myndi amk ekki fjölga mér með smokkum. Ég er hvort eð er svona eind sem getur skipt sér til að fjölga sér. Mjög lítið óþæginlegt og engin slitför, win-win!

Við fengum ekki íbúðina sem við skoðuðum fyrr í vikunni því það var hörð samkepni, en að fá að fara og skoða íbúð kom mér virkilega í gírinn svo nú er leitað á hundrað og mikill metnaður lagður undir, enda komin á það stig að við erum tilbúin að leigja mjög mörg saman sem er auðvitað sparnaðarleið daaaauðans.

jæja, farin að hósta
Sunner

Smá yfirlit.

2008-08-24T02:56:00.000-07:00

Ég nenni ekki að skrifa allt sem hefur gerst á ævintýra för minni, en ég heimta samt að fá að deila nokkrum atriðum.

Í London, þar sem við stoppuðum í 28 klt eða meira, man ekki allveg, sáum við mann með víraþríhyrning á höfðinu. Ég með Crowley bakgrunns þekkingu er allveg viss um að þetta hafi verið satanisti, Sveibjörn hélt held ég að þetta hafi verið crazed stærðfræðingur, en öll vitum við hvað stærðfræði er hættuleg.
Við tókum líka hjólakerru á dubstep rave í London, það var frekar brjálað, allir vildu fara á trúnó á reykingaplássinu og einn gaur tók okkur fyrir og nöldraði lengi, þá ákváðum við að fara. Við tókum ólöglegan, en jafnframt frekar ódýran leigubíl sem tók bara við reiðufé.
Ívar fór snemma og við diskótófan (fyrr þekktur á blogginu sem teknórefurinn, breyttist eftir athugunarsemdir og kvartanir) reyndum að halda okkur vakandi á lestastöðinni í nokkra klukkutíma, reyndar með afbragðs gengi og skiptumst á að leggja okkur á Gatwick.
Sofnuðum reyndar aðeins í Gatwick express a leiðinni á flugvöllinn en það var maður sem kúkaði og skyldi hurðina eftir, og þar sem við sátum hjá hurðinni truflaði fnykurinn svefnfrið voran. Enda engin smá lykt.

Í Amsterdam er ég í rauninni ekkert búin að gera, taka því rólega og drekka bjór og kaffi á mis, sem er alltaf stórsigur. Í gær ákváðum við að borða bara kringlóttann mat með gati í miðjunni. Fengum beyglur í morgunmat en svo var hvergi til kleinuhringur sem við fórum svo við átum ekkert fyrr en við keyptum okkur pítsur og skárum göt í miðjurnar, þvi það er ekki svo mikið úrval af svona löguðum mat þótt ótrúlegt megi virðast.

Jæja, skrifa meira og gáfulegara seinna, nú þarf ég að fara og skoða íbúðir!
Ég fékk nefnilga email um íbúð sem diskótófan segir að sé á yndislegum stað í morgun, ég á að fara að skoða hana eftir tvo tíma, best að byrja að skrúbba sig sem fyrst!

Bestu kveðjur
söní

Komin.

2008-08-21T13:44:00.000-07:00

Ég er komin út, reyndar bara nýkomin. En komin engu að síður!
Keypti mér síma að númeri : 0642603035 en ég man ekki hvað landkóðinn er.
Nú ætla ég að sofa í fyrsta sinn lengi, vúhú

Að fara að bresta á já já já.

2008-08-18T15:05:00.000-07:00

Já, núna eru innan við 31 klt þangað til að ég fer á vit ævintýranna í amsterdam, það er aldeilis.

Ég fékk mér skype því mér þykir svo vænt um ykkur, notendanafnið mitt er sunnaben.

kv.
Sun

Bókað!

2008-08-10T15:46:00.000-07:00

Í dag hefi ég afrekað heldur litlu, horfði á aðra seríu af 30 rock í svona tuttugasta sinn og pakkaði smá meira af íbúðinni minni í kassa. Nær allt komið núna. Húrra hey!
Svo er ég líka búin að bóka flugmiða, flýg út með elskulegum Emilssyni, mætum þar teknórefinum og ég flýg með honum til Amster. Fullkomið? Ég held það nú aldeilis!

Jæja, ég ætla að halda áfram að lepja múslí og horfa á Peep show.
Fanst bara mikilvægt að bókunarreddið sé komið á hreint fyrst þetta er jú ... ævintýrablogg.

bkv, múslí

Sendu mér ferilskránna þína... Já okei...Sendu mér samt ferilskránna þína.

2008-08-08T12:39:00.000-07:00

Hollendingar, fukkíng geðveitk lið.
Nú er ég búin að senda á milli 1-7 milljón tölvupósta til leigusala sem hafa annaðhvort svarað með stöðluðu nígeríusvindls bréfi, hroka, afsökunarbeiðnum eða gegnheilu kjaftæði.
Fyrst var það nú vinur minn sem náði að gera mér það nokkuð ljóst án þess að hafa beint orð á því að ég þyrfti að gera honum erótíska greiða ef ég vildi fá íbúðina, en tjáði mér jafnframt að honum þættir "rosa töff af mér" að vera að læra í Hollandi.
Nýjasta furðubréfið var frá konu sem lýsti eftir "konu sem kann að meta ketti" til að búa með, frekar ljót íbúð en vel staðsett og kötturinn lýtur vel út. Ég er búin að vera að rabba eitthvað fram og til bakað við hana og hún er alltaf að biðja mig um CV, og þegar ég reyndi að komast að hversvegna skýrði hún fyrir mér hvað CV væri. Ég vissi það nú, enda búin að senda út þó nokkuð margar síðan ég byrjaði að vinna, þrettán ára...
Ég sendi henni svona lítinn úrdrátt af athæfum mínum og hvað ég væri að gera úti og hún sagði ekkert við því. Sagði mér að láta sig vita þegar ég væri í Amsterdam og senda sér CV. Þá var mælirinn fullur, þetta var of mikið rugl, enda held ég að meðal hollendingur kunni grófan grunn í ensku og sé fullur, alltaf, að minnsta kosti út frá þessum bréfum (en ég er ekki á neinn hátt að gefa til kynna að þetta sé andstyggilegt fólk, það er það alls ekki). Svo ég sendi henni allt sem ég gæti mögulega talið CV hæft og mynd og smjaðraði um köttinn, ef það er ekki nógu gott gefst ég bráðum upp og flyt búsetur mitt í dósatunnuna fyrir utan skólann, hún er ekki ýkja stór, en vel einangruð og nokkuð töff.

Nú er ég að horfa á systur mína sem er búin að festa hlaupahjól aftan á dúkkukerru og dregur það á eftir sér og kyrjar "við erum allveg að vera komin heim" og "skiljum bara sorgina eftir". Stundum held ég að hún viti eitthvað sem við hin vitum ekki. Höfuðið á henni er að minnsta kosti allt annarstaðar, en hún er brilliant.

Kanski ég fari að sinna henni og svona í staðinn fyrir að reyna að finna leið til að komast að því hvort hún sé í alvöru skyggn, hún er nefnilega alltaf að tala um systur sína, "Engil" sem er að deyja á spítala, hundinn sinn hann Grím og fleiri týpur sem hún hefur aldrei hitt eða haft neina þekkingu af. Jebb, Katrín er athyglisverðasta barn sem ég hef fyrir hitt.

Jæja, farin að takast á við draugabarnið og föstudagskvöldið sem er að renna í hlað.

BKV. sunfACEkillah.

Fornt far.

2008-08-07T03:08:00.000-07:00

Já, ég hef tekið meðvitaða ákvörðun um að snúa þessu bloggi aftur yfir á íslenska tungu, því ég er jú, að flytjast af landi brott og þarf kanski að halda í þá furðu takmörkuðu íslensku sem ég kann. Svo finnst mér líka afskaplega flott þegar fólk skrifar blogg frá útlöndum stimplað á heimalingana.

Ég er nefnilega fyrir fáfúsari lesendur að flytja til Amsterdam til að nema þar í lengri tíma við Rietveld akademíuna. Það verður vilt.

Annars hef ég óskaplega fátt annað að segja í þessari tímamótafærslu enda fer ég að fara út og er því að erindrekast og pakka og rífa kjaft á fullu þessa dagana. Eins og hetju einni sæmir.

Ég vil halda í það að heiðra eitthvern/eitthvað í blogginu mínu og mata fólk sem kann að lesa þetta (eða bara kann að lesa almennt) af ómenningunni sem heillar mig.

Í dag heiðra ég með miklum stæl franska splatter-klám leikstjórann Jean Rollin, því hann er svo svalur. Hann starfar í "fantastique" geiranum í kvikmyndum sem sameinar vísindaskáldskap, hrylling og fantasíur (og í hans tilfelli smá erótík).
Gerir hluti frá því sjónarhorni að myndin flokkast undir "sýn leikstjórans" og flokkast því sem mynd eftir leikstjórann þó svo hann hafi ekki skrifað hana. Spes kerfi, en ég held að þessar myndir myndu ekki virka nærri því jafn vel ef hann hefði ekki gert þær enda með áberandi gott auga og hlúir vel að smá atriðum.
Hann er víst flokkaður sem b-hryllingsmynda paur, en það gæti allt eins verið því myndirnar hans eru svo gamlar að það voru ekki mjög góðar tæknibrellur í boði.
Hann heillar mig aukalega fyrir að hafast svona mikið við vampírur, og ég er vampírumynda nörd.

Að neðan má sjá byrjunaratriðið í "Fascination" síðan 1979, ser mér þykir með eindæmum vel gert.

Trailer fyrir Iron rose, sem mig langar hvað mest að sjá og finn hvergi,

Annars hef ég ekki komið höndum yfir mikið af þessu því myndirnar hans hafa ekki verið vinsælar eða dýrar í framleiðslu, persónulega bjóst ég við að liðið sem deilir myndum á netinu væri með meiri smekk fyrir svona cult dóti en svo er ekki.

Jæja,
aftur að vinna, enda næst seinasti dagurinn minn. Skál fyrir því!

Kveðja,
Sunna.

Sweet.

2008-03-25T16:56:00.000-07:00

Life is pretty sweet.
Not ready to go back to school because I feel like it's summer but my portfolios are ready and there's still a shot at Rietveld according to an email Þórdís got. I have high hopes.
Oh and I sold a drawing. Cheap for sure, but it was bought.

..

2008-03-24T07:31:00.000-07:00

First, some family portraits:

Hlynur, Bunny, Sunna.

Carmen, curves, Sunna.

I had a dream the other day I can't get out of my head.
I was at a weird party, or a summer camp I can't remember.
This insane japanese movie director tried to kill me so I had to stab his wrists till he bled out and when in the midst of running from him and trying to find out how to well... not die, I tried to close a hot tub, likely so that he wouldn't throw me in but when I looked in to the tub there were floating little asian girls with closed eyes and the widest smiles I've seen.
I keep picturing those girls.
I woke up from a guilt trip/freak out after having killed someone although it was in self defense.

I'd make for a lousy murderer.

Song of the day, tacky ninetees at it's best!

Now off to finish my illustration that's taking years.
Word to the wise: don't go for detailed work, it'll get really tired really fast.

-

2008-03-22T06:25:00.000-07:00

1/3 done of paintings completed. Woo.

I must warn you, cappuchino (I will never learn to spell that) milk is freakishly good, pricy, but good, so spare yourself from trying it. Mmmm.

Also finished these two, went to the flea market to look for inspiration for a new one but only found weird asian clothing, granny panties and bags with 50 cent printed on them. All very brutally distasteful. I did how ever buy a dress for my birthday, it is goood.

Said dress...

Well off to nap or smoke... "snap" hohoh.

.

2008-03-18T18:38:00.000-07:00

Oh sweet late night depression.

I'm having my birthday on sunday, and I haven't even had time to think about it. That's new and almost exciting.
The depressing factor is that last year I didn't mean to throw a party but my boyfriend at the time held me a surprise one. I knew even at the time that my next one wouldn't be as amazing.
It doesn't really stand a chance, but alas it is fine, I'm going to go to sleep and wake back up to my cheery self.
Being tired makes me depressed, if only I had known as much when I was fourteen and cut sleep and school to mope around at home and take pictures of stupid stuff. I.e a zombie cannibal barbie feast. Let's just not even wander about that.

Also, I must stop mistaking children for midgets, I keep getting slightly shocked at the incredible tinyness of said "midgets".
It's such an un-logical way of thinking.

P.S. Hlynur is beating the hell out of me.

Sleep tight dears.
Sunbone.

My sculptures are done, woop!